چنئی، ( یو این آئی) ٹی 20 ورلڈ کپ کے سپر ایٹ مرحلے کے ‘کرو یا مرو مقابلے میں زمبابوے نے ہندوستان کے خلاف ٹاس جیت کر پہلے بالنگ کرنے کا فیصلہ کیا ہے۔ چنئی کے پچ کنڈیشنز کو مدنظر رکھتے ہوئے زمبابوے کے کپتان سکندر رضا نے ہندوستانی بازوں کو پہلے بیٹنگ کی دعوت دی ہے۔ٹاس کے موقع پر گفتگو کرتے ہوئے سکندر رضا نے کہا کہ وکٹ میں نمی نظر آ رہی ہے، جس کا فائدہ وہ اپنے تیز بالرز کے ذریعے اٹھانا چاہتے ہیں۔ انہوں نے امید ظاہر کی کہ ان کی ٹیم بہندوستان کو کم اسکور پر روکنے میں کامیاب رہے گی۔ زمبابوے کی ٹیم میں ایک تبدیلی کی گئی ہے؛ گریم کریمر کی جگہ تینوتیندا مپوسا کو پلیئنگ الیون میں شامل کیا گیا ہے۔ہندوستانی کپتان نے کہا کہ وہ خود بھی پہلے بیٹنگ ہی کرنا چاہتے تھے، اس لیے ٹاس ہارنے سے ان کی حکمت عملی پر فرق نہیں پڑا۔ انہوں نے ٹیم میں دو اہم تبدیلیوں کا اعلان کیا۔واشنگٹن سندر اور رنکو سنگھ کو آرام دیا گیا ہے۔اکشر پٹیل اور سنجو سیمسن کی ٹیم میں واپسی ہوئی ہے۔کپتان نے یہ بھی واضح کیا کہ آج کے میچ میں سنجو سیمسن وکٹ کیپنگ کی ذمہ داریاں نبھائیں گے۔
