واشنگٹن(ہ س)۔کولمبیا یونیورسٹی نے منگل کو کہا کہ اس نے کیمپس میں اسرائیل مخالف مظاہروں میں ملوث مختلف طلباء کے خلاف مختلف سزائیں جاری کی ہیں جن میں یونیورسٹی سے اخراج اور ڈگریوں کی منسوخی بھی شامل ہے۔یہ پابندیاں جن میں ایک طلباء گروپ کے مطابق تقریباً 80 افراد کو نشانہ بنایا گیا، ایسے وقت میں سامنے آئی ہیں جب نیویارک کا تعلیمی ادارہ صدر ڈونلڈ ٹرمپ کی انتظامیہ سے مذاکرات کر رہا ہے کہ اس کی 400 ملین ڈالر کی کاٹی گئی وفاقی اعانت بحال کی جائے۔ٹرمپ نے امریکہ کی ممتاز یونیورسٹی اور دیگر تعلیمی اداروں پر شدید دباؤ ڈالا اور الزام لگایا ہے کہ وہ غزہ میں اسرائیل کی جنگ کے خلاف گذشتہ سال ملک گیر احتجاج کے دوران مبینہ طور پر یہود دشمنی سے نمٹنے میں ناکام رہے ہیں۔کیمپس کے احتجاج کا مرکز کولمبیا یونیورسٹی نے وفاقی مالی اعانت دوبارہ حاصل کرنے کی کوشش میں پالیسی اصلاحات کا ایک سلسلہ نافذ کرنے پر اتفاق کیا ہے جس سے کئی طلباء میں شدید غصے میں آ گئے ہیں۔آئیوی لیگ کے ادارے ہارورڈ کو بھی فنڈنگ میں اربوں کی کٹوتیوں کا نشانہ بنایا گیا ہے لیکن وہ عدالت میں دباؤ کی مہم کا مقابلہ کر رہے ہیں۔یونیورسٹی نے ایک بیان میں کہا کہ مئی میں لائبریری کے دھرنے کے ساتھ ساتھ 2024 کے موسم بہار میں سابق طلباء ویک اینڈ کے دوران قائم کردہ احتجاجی کیمپ کولمبیا کی تازہ ترین پابندیوں کی وجہ ہیں۔اس میں کہا گیا ہے کہ لائبریری کے احتجاج سے امتحان کی تیاری کرنے والے سینکڑوں طلباء متاثر ہوئے جن کی سزاؤں میں "پروبیشن، معطلی (ایک سال سے تین سال تک)، ڈگریوں کی تنسیخ اور یونیورسٹی سے اخراج شامل ہیں۔بیان میں کہا گیا، "یونیورسٹی کسی بھی طالبِ علم کے انفرادی تادیبی نتائج جاری نہیں کرتی۔یہ واضح نہیں کیا گیا کہ موسم بہار 2024 کے احتجاجی کیمپ کے لیے کون سی سزائیں جاری کی گئی ہیں جو زیادہ بڑے احتجاج بشمول ایک تعلیمی عمارت پر قبضے کے بعد پیش آیا تھا لیکن کولمبیا نے کہا، یہ "اس مدت کے حتمی نتائج ہیں۔”سکول کے اسرائیل سے تمام مالیاتی روابط منقطع کرنے کا مطالبہ کرنے والے طلباء گروپ کولمبیا یونیورسٹی اپارتھائیڈ ڈائیوسٹ (سی یو اے ڈی) نے کہا، لائبریری سے متعلق پابندیاں "تدریس یا فلسطینی سے غیر متعلق عمارات پر قبضے کی مثال سے کہیں بڑھ کر ہیں”گروپ نے کہا، "ہم خوفزدہ نہیں ہوں گے۔ ہم فلسطینیوں کی جدوجہدِ آزادی کے لیے پرعزم ہیں۔
